He Kuhikuhi O Ke Kanaka Hawaii (A Guide for Hawaiians)

By J. W. H. Kauwahi

Book Id: WPLBN0002096884
Format Type: PDF eBook:
File Size: 14.89 MB
Reproduction Date: 5/16/2011

Title:	He Kuhikuhi O Ke Kanaka Hawaii (A Guide for Hawaiians)
Author:	J. W. H. Kauwahi
Volume:
Language:	Hawaiian
Subject:	Non Fiction, Education, Hawaiian Language
Collections:	Education, Authors Community, Language, Literature, Favorites in India, History
Historic Publication Date:	1857
Publisher:	Hawaiian Historical Society

Member Page:	Hale Kuamoʻo Hawaiian Language Center
Citation APA MLA Chicago W. H. Kauwah, B. J. (1857). He Kuhikuhi O Ke Kanaka Hawaii (A Guide for Hawaiians). Retrieved from http://www.gutenberg.us/

Description
O ka agreement, oia ka Olelo Ae like, i hanaia a i hoo-holoia mawaena o na kanaka elua, a he lehulehu paha, no na mea a pau a laua, a o lakou paha i ae pu ai e hana. I ka manawa e palapala ai i olelo ae like mawaena o na aoao elua, he mea pono e hooopaa ia maloko o ka palapala na kumu nui, a me na mea a pau i ae like ia, a e kakau inoa ia hoi e na aoao elua nana ia olelo, a me na hoike pu no hoi; a nolaila i kapaia?i kela, he olelo ae like. O na kuinu manao, a ine na mea a pau e hanaia maloko o ka olelo ae like, e kakau pono ia a e hoopaa ia me ka ae like o na aoao elua ma ka palapala, a e hookaawale ia nae na olelo a kekahi aoao a me kekahi aoao i hoohiki ai, i mea e poina ole ai; aole oia wale no, no ka mea, ina he hoopaa-paa e kupu mai iwaena o na aoao hana ae like, o na mea i kakau pono ia a paa iloko o ka palapala ke kumu e hooluolu ai i kekahi aoao, mamuli o ka hoomaopopo ana o na hoike i na mea i hana mua ia ma ka ae like ana; no ka mea, ma na kanawai, o na olelo ae like a pau i kakauia ma ka pala-pala, a hookomo ole ia na kumu nui o ka ae like ana, a kakau ole ia hoi na inoa malalo e na aoao nana i ae like, a i kauoha, e pau wale no ia mau palapala a e lilo he mea ole. I ke kakau ana i ka olelo ae like, E malama loa i hooko-moia na mea a pau e pono ai, a e ko ai ka hana, a o na mea e hai waha ia i mea e hoomaopopo ai, aale loa e hiki ke huipu ia mai e hoanoe ae, a e hoololi i na mea i kakauia ma ka palapala i ae like ia. Ina i hoololi ia, a hoopau ia paha kekahi mea i oleloia maloko o ka palapala ae like, alaila e pono no ke hoikeia ka hoololi ana, a me ka hoopau ana maloko o ka palapala, a e hana ia hoi keia mamua o ke kakau ana o na aoao elua i na inoa o laua malalo.

Excerpt
He olelo ae like keia no ka hana ana a me ke kukulu ana i ka hale, i hanaia i keia la umi o Ianuari, M. H. hookahi tausani ewalu haneri a me kanalima kumamaono, mawaena o Lola Haleakala no Kapalama, Oahu, ma ka aoao mua, a me Laakea no Honolulu, Oahu, ma ka aoao elua, a eia na olelo a laua i ae like ai; o ka mea nona ka aoao elua i hoikeia maluna, ke hoopaa nei oia, a ke ae aku nei me ka mea nona ka aoao mua i oleloia maluna, e hana no oia, a e kapili pono, a e hana a paa, a hoopau pono i ka hana, me ka paa pono, a e hana hoi i keia e like me ka hana akamai ana, a e kukulu hoi i elua hale laau, maloko o ka pahale ma Honolulu ma ke kihi o na alanui Alii a me alanui Rikeke, a e pili pu ana me ka pa o na mea Hanohano A. Paki a me M. Kekuanaoa, a i kupono hoi ka hana ana i ka paa, a kulu ole, me ka hana ana me ke ano hoopono, a maikai hoi, me ka hoohalike loa ana me ke kumu hoohalike, a me ke ano o ka hale, a me ka hana i kahaia, a i hoomoakakaia, a ua hui pu ia hoi me keia, a e paa pono hoi me ka maikai ma ka la umi o Iune e hiki mai ana. A o ka mea nona ka aoao mua i oleloia maluna, ke hoopaa nei oia, me ka ae aku, e uku pono aku no oia i ka mea nona ka aoao elua i oleloia maluna no keia hana, i na dala hookahi tausani, a penei ka uku ana oia mau dala ; o kekahi mau dala elima haneri, e ukuia i ka manawa e kukuluia?i na hale, a paa mai lalo a me luna hoi o ka hale, a o na dala elima haneri i koe, e ukuia no ia i ka manawa e pau loa ai ka hana i ka hanaia.